ඉදිරි දිනවලදී මාළු මිල ගණන් ඉහළ යනු ඇතැයි පෑලියගොඩ මධ්‍යම මත්ස්‍ය සංකීර්ණ ව්‍යාපාරික සංගමය පවසනවා.
එහි සභාපති ජයසිරි වික්‍රමආරච්චි මහතා පැවසුවේ උත්සව සමයේ මාළු ඉල්ලුම ඉහළ යාම හේතුවෙන් මිල ගණන් ද එලෙස ඉහළ යන බවයි.
උත්සව සමයේ ධීවරයින් සිය රැකියාවේ නිරත නොවීම ද මාළු මිල ගණන් ඉහළ යාමට බලපාන බව ද පෑලියගොඩ මධ්‍යම මත්ස්‍ය සංකීර්ණ ව්‍යාපාරික සංගමයේ සභාපති ජයසිරි වික්‍රමආරච්චි මහතා වැඩිදුරටත් පැවසුවා.
