කහටගස්දිගිලිය, නෙකුටුනුවැව ප්‍රදේශයේ නිධන් සොයා කැණීම් කරමින් සිටි සැකකරුවෙකු අත්අඩංගුවට ගෙන තිබෙනවා.
ඒ, කහටගස්දිගිලිය පොලිස් ස්ථානයට ලද තොරතුරක් මත එහි නිලධාරින් කණ්ඩායමක් සිදුකල වැටලීමකදීයි.
අත්අඩංගුවට ගෙන ඇත්තේ අරලගංවිල ප්‍රදේශයේ පදිංචි පුද්ගලයෙක්.
වැටලීම සිදුකරන අවස්ථාවේ එහි සිටි තවත් සැකකරුවන් සිව්දෙනෙකු පලාගොස් තිබෙනවා. ඔවුන් අත්අඩංගුවට ගැනීමට පොලිස් විමර්ශන ක්‍රියාත්මකයි.
සැකකරුවන් විසින් කැණීම් සඳහා භාවිත කළ උපකරණ ද සිය භාරයට ගත් බවයි කහටගස්දිගිලිය පොලිසිය පැවසුවේ.
