මීගොඩ, නාගහවත්ත ප්‍රදේශයේදි මෝටර් රථයකින් ගමන් කරමින් සිටි පුද්ගලයෙකුට වෙඩි තබා ඝාතනය කිරීමේ සිද්ධියට අදාළ තවත් සැකකරුවන් දෙදෙනෙකු අත්අඩංගුවට ගෙන තිබෙනවා.
ඒ බස්නාහිර පළාත දකුණ අපරාධ කොට්ඨාසය විසින්.
මීගොඩ පොලිස් වසමේදී සැකකරුවන් දෙදෙනා අත්අඩංගුවට ගත් බවයි පොලිසිය පැවසුවේ.
අදාල ඝාතනයට ආධාර අනුබල දීම හා කුමන්ත්‍රණය කිරීම සම්බන්ධයෙන් ඔවුන් දෙදෙනා අත්අඩංගුවට ගෙන තිබෙනවා.
එක් සැකකරුවෙකුගෙන් අනාවරණ වූ තොරතුරු මත මීගොඩ කුරුදුවත්ත පාරේ ඕවිටක ඉවුරේ සඟවා තිබූ මිලි මීටර් 9 වර්ගයේ පිස්තෝලයක් සහ ඊට යොදන ජීව පතොරම් 10 ක් ද සොයාගත් බවයි පොලිසිය පැවසුවේ.
මීගොඩ, නාගහවත්ත ප්‍රදේශයේදී අදාල පුද්ගලයා වෙඩි තබා ඝාතනය කිරීමේ සිද්ධියට සම්බන්ධ සැකකරුවන් 05 දෙනෙකු මීට පෙර පොලිසිය විසින් අත්අඩංගුවට ගනු ලැබුවා.
