සංචාරක ශ්‍රී ලංකා කණ්ඩායම සහ නවසීලන්ත කණ්ඩායම අතර පළමු එක්දින ක්‍රිකට් තරගය මේ වන විට පැවැත්වෙනවා.
තරගය ආරම්භ වුණේ අලුයම 03.30ටයි.
කාසිය වාසිය දිනූ නවසීලන්ත කණ්ඩායම පළමුව පන්දුවට පහර දීමට ශ්‍රී ලංකා කණ්ඩායමට ආරාධනා කළා.
ඒ අනුව පිටියට පිවිසි ශ්‍රී ලංකා කණ්ඩායම මීට නොබෝ වේලාවකට පෙර පන්දුවාර 43යි පන්දු 4ක් අවසානයේ සියලු දෙනා දැවී රැස්කරගෙන සිටි ලකුණු සංඛ්‍යාව 178ක්.
තරගයේ ආරම්භයේ සිටම ශ්‍රී ලංකා පිතිකරුවන්ට දැඩි පීඩනයක් එල්ල කළ නවසීලන්ත පන්දු යවන්නන් ශ්‍රී ලංකා කණ්ඩායමේ මුල් කඩුලු 04 ලකුණු 23ක් තුළදී බිඳ හෙලුවා.
ඒ අනුව ලකුණු 178ක ඉලක්කය හඹා යාමට පිටියට පිවිසි නවසීලන්ත කණ්ඩායම මීට නොබෝ වේලාවකට පෙර පන්දුවාර 8ක් අවසානයේ කිසිවෙකු නොදැවී ලකුණු 52ක් ලබා ගෙන තිබෙනවා
