ලොව හොඳම පන්දුවාර විස්සයි විස්ස පිතිකරුවන් දසදෙනා අතරට පැමිණීමට ශ්‍රී ලංකාවේ කුසල් ජනිත් පෙරේරා සමත් වී තිබෙනවා.
ඒ, ස්ථාන 26ක් ඉදිරියට පැමිණෙමින්.
නවතම ශ්‍රේණිගත කිරීමේ ලැයිස්තුවේ කුසල් ජනිත් පෙරේරා දැන් සිටින්නේ දසවන ස්ථානයේයි.
නවසීලන්තය සමඟ ඉකුත්දා අවසන් වූ පන්දුවාර විස්ස තරගාවලියේදී ශතකයක් සමඟ ලකුණු 149ක් රැස් කිරීම ඊට හේතුවයි.
කෙසේවෙතත් පන්දු වාර විස්සයි විස්ස පිතිකරු ලැයිස්තුවේ එක් ස්ථානයක් පසු බැසීමට ශ්‍රී ලංකාවේ පැතුම් නිස්සංකට සිදුව තිබෙනවා.
ඔහු මේ වන විට සිටින්නේ 07 වන ස්ථානයේයි.
කුසල් මෙන්ඩිස් ද එක් ස්ථානයක් පසු බසිමින් 12 වන ස්ථානයට පත්ව තිබෙනවා.
