එක්සත් ජාතික පක්ෂයේ කෘත්‍යාධිකාරී මණ්ඩලයේ විශේෂ රැස්වීමක් අද (06) පැවැත්වීමට නියමිතයි.
අග‍්‍රාමාත්‍ය රනිල් වික‍්‍රමසිංහ මහතාගේ ප‍්‍රධානත්වයෙන් සිරිකොත මූලස්ථානයේදී මෙම රැස්වීම පැවැත්වෙනු ඇති.
70වන සංවත්සර උත්සවයේදී ඉදිරිපත් කිරීමට අදහස් කරන ආර්ථික සංවර්ධන යෝජනාවලිය මෙහිදී සාකච්ඡාවට ගැනීමට නියමිතව තිබෙනවා.
එක්සත් ජාතික පක්ෂයේ 70වන සංවත්සරය යෙදී ද ඇත්තේ අද දිනයටයි. වසර 70ක මෙම ඉතිහාසය පුරා ජයග‍්‍රහණ රැසක් මව්බිමට ලබාදීමට එක්සත් ජාතික පක්ෂයට හැකි වූ බව එහි මහලේකම් අමාත්‍ය කබීර් හෂීම් කියා සිටියා.
ත‍්‍රස්තවාදය පරාජය කිරීම සඳහා ද එක්සත් ජාතික පක්ෂය බොහෝ කැපවීම් කළ බව ඔහු වැඩිදුරටත් කියා සිටියා.
එක්සත් ජාතික පක්ෂයේ 70වන සංවත්සරය වෙනුවෙන් ඉකුත් දිනවල ආගමික වතාවත් සිදුකෙරුණා. සංවත්සර උත්සවය ලබන 10 වෙනිදා කොළඹ කැම්බල් පිටියේදී පැවැත්වීමට නියමිතයි.
