මෙරටට ආනයනය කෙරෙන භාණ්ඩ වර්ග 7,200 කින් නිසි පරීක්ෂාවන්ට ලක් කෙරෙන්නේ භාණ්ඩ වර්ග 1,100 ක් පමණ බව පාරිභෝගික ආරක්ෂණ රාජ්‍ය අමාත්‍ය ලසන්ත අලගියවන්න පවසනවා. ඔහු ඒ බව පැවසුවේ ඊයේ රාත්‍රියේ ප්‍රචාරය වූ නෙත් එෆ් එම් අන්ලිමිටඩ් වැඩසටහනට එක්වෙමින්.
පරීක්ෂාවන්ට ලක් නොකෙරෙන භාණ්ඩ වර්ග පරීක්ෂා කිරිම සඳහා දැනටමත් නිසි ක්‍රමවේදයක් සකස් කෙරෙමින් ඇති බව ද රාජ්‍ය අමාත්‍යවරයා මෙහිදී සඳහන් කළා.
මෙරට නිෂ්පාදිත භාණ්ඩ වර්ග සම්බන්ධයෙන් ද මෙහිදි අදහස් ප්‍රකාශ කෙරුණා.
