විජය නන්දසිරි දේහය පිළිබඳ අවසන් කටයුතු අද

අභාවප‍්‍රාප්ත වූ ප‍්‍රවීණ රංගන ශිල්පී විජය නන්දසිරි මහතාගේ දේහය පිළිබඳ අවසන් කටයුතු අද (11) සිදු කෙරෙනවා.

ඊයේ (10) රාති‍්‍රයේද ඒ මහතාගේ දේහයට අවසන් ගෞරව දැක්වීම සඳහා කලාකරුවන් ඇතුළු විශාල පිරිසක් පැමිණි බවයි එහි සිටින නෙත් නිවුස් වාර්තාකරු පැවසුවේ.

අද පස්වරු 3.30 ට ආගමික වතාවත් සිදුකිරීමෙන් අනතුරුව අවමංගල්‍ය පෙරහැර පස්වරු 4.15 ට පමණ නිවසින් පිටත් වනවා. අවසන් කටයුතු දෙහිවල – ගල්කිස්ස පොදු සුසාන භූමියේදී සිදු කිරීමට නියමිතයි. මේ වන විට දේහය තැන්පත් කර තිබෙන්නේ ගල්කිස්ස ටෙම්පල්ස් පාරේ පිහිටි ඒ මහතාගේ පුද්ගලික නිවසේයි.