13 වන දකුණු ආසියානු පාපන්දු ශූරතා තරගාවලියේ අවසන් මහ තරගය ඉන්දියාව සහ නේපාලය අතර අද රාත්‍රියේ පැවැත්වෙනවා. මාලේ ජාතික ක්‍රීඩාංගණයේ පැවැත්වෙන මෙම තරගය මෙරට වේලාවෙන් අද රාත්‍රී 8 යි 30ට ආරම්භ වීමට නියමිතයි.
නේපාලය, දකුණු ආසියානු පාපන්දු තරගාවලියක අවසන් තරගයකට එක්වන්නේ පළමු වරටයි. ඉන්දීය පාපන්දු කණ්ඩායම මීට පෙර 7 වරක් දකුණු ආසියානු පාපන්දු ශූරතාව දිනා ගැනීමට සමත්ව තිබෙනවා. ඔවුන් අවසන් වරට එම ශූරතාව දිනා ගත්තේ 2015 වසරේදීයි.
