පූර්ණ තරඟාවලි පරාජයකින් ගැලවීමට ශ්‍රී ලංකා ක්‍රිකට් පිළ අද මෙල්බර්න් පිටියට

සංචාරක ශ්‍රී ලංකා කණ්ඩායම සහ ඕස්ට්‍රේලියානු කණ්ඩායම අතර පස්වන සහ අවසන් විස්සයි විස්ස ක්‍රිකට් තරඟය අද පැවැත්වෙනවා. 

ඒ, මෙල්බර්න්හිදීයි. 

දිවා රාත්‍රී තරඟයක් වන මෙම තරඟය මෙරට වේලාවෙන් පෙරවරු 11.40 ට පමණ ආරම්භ වීමට නියමිතයි. 

ඕස්ට්‍රේලියානු කණ්ඩායම දැනටමත් 04 ට බිංදුවක් ලෙස මෙම තරඟාවලිය ජයගෙන තිබෙනවා. 

ඒ අනුව පූර්ණ තරඟාවලි පරාජයක අවමානයෙන් ගැලවීමට නම් ශ්‍රී ලංකා කණ්ඩායම මෙම තරඟය ජයගත යුතු වනවා.

අද තරඟයේදී නවක ක්‍රීඩක ජනිත් ලියනගේට බොහෝ දුරට  ශ්‍රී ලංකා පිලේ ස්ථානයක් හිමිවනු ඇති බවටයි වාර්තා පළ වන්නේ. 

ඒ, ආරම්භක පිතිකරු ධනුෂ්ක ගුණතිලක වෙනුවටයි.