මෙවර එල් පී එල් ක්‍රිකට් තරඟාවලිය අගෝස්තු මස 01 වනදා සිට 21 වනදා දක්වා පැවැත්වීමට තීරණය කර තිබෙනවා. ඒ අනුව තරඟාවලිය සමාරම්භ කරමින් පසුගිය වර ශූරයන් වූ ජැෆ්නා කින්ස් කණ්ඩායම සහ අනුශූරයන් වූ ගෝල් ග්ලැඩියේටස් කණ්ඩායම තරඟ වැදීමට නියමිත බවයි ශ්‍රී ලංකා ක්‍රිකට් ආයතනය නිවේදනය කළේ.
තරඟාවලියට ඇතුලත් සමස්ථ තරඟ ගණන 24ක් වන අතර ඉන් තරඟ 20ක් පළමු වටයට අයත් වනවා. අවසන් වටයේ තරඟ 04ක් පැවැත්වීමට නියමිතයි.
මෙවර එල් පී එල් තරඟාවලියේ අවසන් මහා තරඟය අගෝස්තු මස 21 වනදා සූරියවැව මහින්ද රාජපක්ෂ ක්‍රීඩාංගනයේදී පැවැත්වීමට නියමිත බවයි ශ්‍රී ලංකා ක්‍රිකට් ආයතනය නිවේදනය කළේ.
