2022 රෝඩ් සේෆ්ටි වර්ල්ඩ් සීරිස් විස්සයි 20 ක්‍රිකට් තරඟාවලියේ අනුශූරයින්වූ ශ්‍රී ලංකා ලෙජන්ඩ්ස් කණ්ඩායම අද පෙරවරුවේ දිවයිනට පැමිණියා.
ඉන්දියාවේ මුම්බායි නුවර සිට ශ්‍රී ලංකා ලෙජන්ඩ්ස් කණ්ඩායම දිවයිනට පැමිණි බවයි නෙත් නිවුස් කටුනායක ගුවන්තොටුපළ වාර්තාකරු පැවසුවේ.
ඔවුන් පිළිගැනීම සදහා ශ්‍රී ලංකා සංචාරක කාර්යාංශයේ නිලධාරීන්, සීමාසහිත ගුවන් තොටුපළ සහ ගුවන් සේවා සමාගමේ නිලධාරීන් මෙන්ම තවත් පිරිසක් එක්ව සිටි බවයි නෙත් නිවුස් කටුනායක ගුවන් තොටුපළ වාර්තාකරු වැඩිදුරටත් සඳහන් කළේ.
2022 රෝඩ් සේෆ්ටි වර්ල්ඩ් සීරිස් විස්සයි 20 ක්‍රිකට් තරඟාවලියේ අවසන් මහා තරඟය ඔක්තෝම්බර් පළමු වැනිදා ශ්‍රී ලංකා සහ ඉන්දීය ලෙජන්ඩ්ස් කණ්ඩායම් අතර පැවැත්වුණා. එහිදී ඉන්දීය ලෙජන්ඩ්ස් කණ්ඩායම එම තරඟාවලියේ ශූරතාව දිනාගත්තේ ලකුණු 33 කින්.
