Friday, April 4, 2025

General line - 0115112241

තවත් වෙඩිතැබීමක් - කොලොන්න ප්‍රදේශයේ පුද්ගලයෙකු ජීවිතක්ෂයට



පුද්ගලයෙකු ඝාතනය කළ තවත් වෙඩිතැබීමක් ඊයේ රාත්‍රියේ වාර්තා වුණා.

ඒ, කෑල්ල රක්වාන පාරේ කොලොන්න ප්‍රදේශයේදී යි.

යතුරුපැදියකින් පැමිණි නාඳුනන පුද්ගලයන් දෙදෙනෙකු සිදුකළ වෙඩිතැබීමකින් පුද්ගලයෙකු ජීවිතක්ෂයට පත්වී තිබුණා.

ඝාතනයට ලක්වී ඇත්තේ තේ වතු හිමියෙකු වන 63 හැවිරිදි පුද්ගලයෙක් බවයි පැවසෙන්නේ.

මේ අතර අතුරුගිරියේ ටැටූ මධ්‍යස්ථානයකදී ක්ලබ් වසන්ත ඝාතනය කිරීමේ සිද්ධිය සම්බන්ධයෙන්ද මේ වන විටත් අංශ කිහිපයක් ඔස්සේ පරීක්ෂණ ක්‍රියාත්මකයි.

සිද්ධියට අදාළව සැකකරුවන් 07 දෙනෙකු අත්අඩංගුවට ගැනුනා.

ඒ අතරට ටැටූ මධ්‍යස්ථානයේ හිමිකරුද අයත්.

කෙසේවෙතත් අත්අඩංගුවට ගත් පිරිස අතර වෙඩිතැබූ පුද්ගලයින් නොමැති බවටයි වාර්තා වන්නේ.