දරුවෙකුට පහරදී කෲරත්වයට පත්කිරීමේ සිද්ධියක් සම්බන්ධයෙන් සැකකාරියන් සිව්දෙනෙකු අත්අඩංගුවට ගෙන තිබෙනවා.
මෙම පහරදීමට අදාළව අත්අඩංගුවට ගෙන ඇත්තේ අරණායක ප්‍රදේශයේ පදිංචි වයස අවුරුදු 42 සහ 78 යන වයස්වල පසුවන සැකකාරියන් බවයි පොලීසිය පැවසුවේ.
ඒ අනුව දරුවාගේ මිත්තණියන් දෙදෙනෙකු සහ පහරදීමට අනුබලදීම සම්බන්ධයෙන් දරුවාගේ මව සහ තවත් මිත්තණියක් මෙලෙස අත්අඩංගුවට ගෙන තිබෙනවා.
අදාළ සිද්ධිය සම්බන්ධයෙන් වීඩියෝවක් පසුගියදා සමාජ මාධ්‍ය ඔස්සේ සංසරණය වූ අතර ඒ පිළිබඳ සිදුකළ විමර්ශනයකට අනුවයි මෙම සැකකාරියන් අත්අඩංගුවට ගෙන ඇත්තේ.
පහරකෑමට ලක්වූ දරුවා, පියා භාරයේ සිටින අතර මාවනැල්ල අධිකරණ වෛද්‍යවරයා වෙත ඉදිරිපත් කිරීමට නියමිතයි.
