පොලිස් අත්අඩංගුවේ සිටියදී පලාගොස් පසුව සොයා ගැණුනු හම්බන්තොට බඳගිරිය ප‍්‍රදේශයේ තරුණයා අද (21) යළි රක්‍ෂිත බන්ධනාගාර ගත කෙරුණා.
ඒ, හම්බන්තොට ප‍්‍රධාන මහේස්ත‍්‍රාත් මංජුල කරුණාරත්නගේ නියෝගයකට අනුවයි. තරුණයාගේ පලායාම පිළිබඳව අසත්‍ය ප‍්‍රචාර ගෙනගිය බවට පසුව අත්අඩංගුවට ගැණුනු ඔහුගේ සහෝදරිය සහ සහෝදරයන් දෙදෙනාද අද දිනයේදී රක්‍ෂිත බන්ධනාගාරගත කිරීමට නියම කළා.
ඒ අනුව මේ මස 30 වැනිදා දක්වා ඔවුන් රක්‍ෂිත බන්ධනාගාරගත කළ බවයි නෙත් නිවුස් අධිකරණ වාර්තාකරු පැවසුවේ. මීට අදාළව රූපවාහිනි නාලිකාවල ප‍්‍රවෘත්ති ප‍්‍රකාශවලට යොදා ගැණුනු වීඩියෝ පටවල සංස්කරණය නොකළ සංයුක්ත තැටි අධිකරණයට ඉදිරිපත් කරන ලෙසද මහේස්ත‍්‍රාත්වරයා නියෝග කළා.
