නත්තල් නිවාඩුව වෙනුවෙන් හෙට සහ අනිද්දා අතිරේක දුම්රිය ධාවනය කරන බව ශ්‍රී ලංකා දුම්රිය සේවය පවසනවා.
නත්තල සහ නව වසර උදාව වෙනුවෙන් ඉදිරි දින කිහිපයේ දී අතිරේක බස් රථ ද ධාවනය යෙදවීමට නියමිතයි.
නත්තල් නිවාඩුවේ දී සහ නව වසර උදාවේ දී මගීන්ට වඩා හොඳ සේවාවක් සැපයීම සඳහා අතිරේක සේවා සිදු කරන බව පෞද්ගලික බස් හිමියන් ද කියා සිටියා.
මේ අතර මෙම උත්සව සමයේ දී නගරවල ආරක්ෂාව සඳහා අතිරේක නිලධාරීන් සේවයට යොදවා ඇතැයි පොලිසිය මීට පෙර කියා සිටියා.
ඇතැම් නිලධාරීන් නිල ඇඳමින් ද ඇතැම් නිලධාරීන් සිවිල් ඇඳුමින් ද රාජකාරියේ යෙදී සිටින බවයි පොලිසිය වැඩිදුරටත් පැවසුවේ.
