Monday, April 24, 2017
Hotline - 0770586666

තරගාවලියේ තවත් ජයග‍්‍රහණයක් මුම්බායි ඉන්දියන්ස් කණ්ඩායමට

3347Views

අයි පී එල් ක‍්‍රිකට් තරගාවලියේ තවත් ජයග‍්‍රහණයක් හිමි කර ගැනීමට මුම්බායි ඉන්දියන්ස් කණ්ඩායම ඊයේ සමත් වුණා. 

ඒ කිංග්ස් ලෙවන් පංජාබ් කණ්ඩායම කඩුලූ 08කින් පරාජය කරමින්. 

පළමුවෙන් පන්දුවට පහර දුන් පංජාබ් කණ්ඩායම නියමිත පන්දුවාර විස්සේදී කඩුලූ 04ක් දැවී ලකුණු 198ක් ලබා ගත්තා. 

මුම්බායි කණ්ඩායම පන්දුවාර 15 යි පන්දු 03කදී කඩුලූ 02ක් පමණක් දැවී ලකුණු 199යි. 

නිතීෂ් රාණා පන්දු 34කදී නොදැවී ලකුණු 62ක් ලබා ගත්තා. 

ඊට හයේ පහර 07ක් ද ඇතුළත්. පන්දුවාර විස්සයි විස්ස තරගයකදී පිතිකරුවෙකු විසින් එල්ල කරන ලද වැඩිම හයේ පහර සංඛ්‍යාව ද එය වනවා. 

මීට පෙර ජෝස් බට්ලර් විසින් ද පන්දුවාර විස්සයි විස්ස තරගයකදී හයේ පහර 07ක් එල්ල කර තිබුණා. 

ඊයේ තරගයේදී මුම්බායි ඉන්දියන්ස් කණ්ඩායම පවර් ප්ලේ පන්දුවාරවලදී රැස්කර ගත් ලකුණු සංඛ්‍යාව 82ක්. 

එය අයි පී එල් තරගයකදී මුම්බායි ඉන්දියන්ස් කණ්ඩායම පවර් ප්ලේ පන්දුවාරවලදී රැස් කර ගත් වැඩිම ලකුණු සංඛ්‍යාව ද වනවා. 

මුම්බායි ඉන්දියන්ස් කණ්ඩායම නියෝජනය කරමින් ලසිත් මාලිංග ද ඊයේ ක‍්‍රීඩා කළා. 

කෙසේ වෙතත් එතරම් ඉහළ දක්ෂතා දැක්වීමට ඔහු සමත් වූයේ නැහැ. 

ලසිත් මාලිංග විසින් යැවූ පන්දුවාර 04දී ලකුණු 58ක් ලබා ගැනීමට පංජාබ් ක‍්‍රීඩකයින් සමත් වුණා. 

එයින් ලකුණු 51ක්ම ලබා ගත්තේ හෂීම් අම්ලා විසින්. එය අයි පී එල් තරගයකදී කිසියම් පන්දු යවන්නෙකුට එරෙහිව පිතිකරුවෙකු ලබා ගත් දෙවන වැඩිම ලකුණු සංඛ්‍යාව ද වනවා.