නව දේශීය ආදායම් පනත් කෙටුම්පත සඳහා ඉදිරිපත්වී ඇති සංශෝධන පිළිගැනීමට සූදානම් බව මුදල් අමාත්‍ය මංගල සමරවීර පවසනවා.
ඔහු ඒ බව පැවසුවේ පාර්ලිමේන්තුවේ අද (07) ඇති වූ සංවාදයකදීයි.
මෙම නව කෙටුම්පත පාර්ලිමේන්තුවේදී අද විවාදයට ගැනීමට නියමිතව තිබෙනවා.
ජනතා විමුක්ති පෙරමුණ පැවසුවේ ඒ සඳහා සංශෝධන 70 ක් ඉදිරිපත් කරන බවයි. ඒකාබද්ධ විපක්‍ෂයද සංශෝධන ගණනාවක් ඉදිරිපත් කර තිබෙනවා.
මෙම සංශෝධන විවාදයේදී සලකා බැලිය හැකි බවයි අමාත්‍යවරයා වැඩිදුරටත් කියාසිටියේ.
