ශ්‍රී ලංකා ක්‍රිකට් ආයතනයේ උපදේශකවරයකු ලෙස නම් කරමින් ක්‍රීඩා අමාත්‍යවරයා කළ ආරාධනය හිටපු ක්‍රිකට් නායක කුමාර් සංගක්කාර ප්‍රතික්ෂේප කර තිබෙනවා. ක්‍රීඩා අමාත්‍ය ෆයිසර් මුස්තාපා වෙත ලිපියක් මගින් සංගක්කාර ඒ බව දන්වා තිබෙනවා.
ශ්‍රී ලංකා ක්‍රිකට් ආයතන ප්‍රධාන විධායක නිලධාරී ඈෂ්ලි ද සිල්වා මහතා පෙරේදා නිවේදනය කළේ ක්‍රිකට් පරිපාලන කටයුතු සඳහා උපදේශකවරුන් ලෙස කුමාර් සංගක්කාර, මහේල ජයවර්ධන, අරවින්ද ද සිල්වා, මුත්තයියා මුරලිදරන් සහ රොෂාන් මහානාම යන හිටපු ක්‍රීඩකයින් ඇතුළත් කමිටුවක් පත් කිරීමට යෝජනා කරන බවයි.
මීට පෙර මහේල ජයවර්ධන, රොෂාන් මහානාම සහ මුත්තයියා මුරලිදරන් ද ක්‍රීඩා අමාත්‍යවරයා කළ ආරාධනය ප්‍රතික්ෂේප කළා.
