Thursday, May 28, 2020
Hotline - 0770586666

ඕස්ට්‍රේලියාවේ රැඳී සිටි ලාංකිකයින් 272ක් රැගෙන එයි (PHOTOS)

ටී කේ ජී කපිල

2159Views


 


කොරෝනා වසංගත රෝග තත්ත්වය නිසා ශ්‍රී ලංකාවට පැමිණීමට නොහැකිව ඕස්ට්‍රේලියාවේ රැදී සිටි ශ්‍රී ලාංකිකයන් 272 ක් අද (10) දින උදෑසන මෙල්බර්න් නුවර සිට ශ්‍රී ලන්කන් ගුවන් සේවයේ විශේෂ ගුවන් යානයක් මගින් කටුනායක ගුවන් තොටුපළ වෙත රැගෙන පැමිණ තිබුණා.

අද දින උදෑසන 6.12 ට ඕස්ට්‍රේලියාවේ, මෙල්බර්න් නුවර සිට පැමිණි ශ්‍රී ලන්කන් ගුවන් සේවයේ යූ.එල්.- 605 දරන විශේෂ ගුවන් යානයෙන් මෙම පිරිස කටුනායක ගුවන් තොටුපළ වෙත පැමිණියා.

මෙම ගුවන් යානයෙන් පැමිණි සියලු දෙනා මෙන්ම ඔවුන්ගේ ගමන් මලු ද ශ්‍රී ලංකා ගුවන් හමුදාව විසින් විෂබීජ හරණය කිරීමකට ලක් කළා.

ඉන්පසුව එම ගුවන් මගීන් කොරෝනා ආසාදිත තත්වයෙන් පසු වන්නේ ද යන්න ගුවන් තොටුපළ සෞඛ්‍ය වෛද්‍ය ඒකකයේ නිලධාරීන් සහ ගුවන් තොටුපළ ආරක්ෂක නිලධාරීන් විසින් සොයා බැලීමක් ද සිදු කෙරුණා.

එම කටයුතු ද නිමාවෙන් පසු ශ්‍රී ලංකා යුධ හමුදාව විසින් සූදානම් කර තිබූ බස් රථ මගින් මෙම ගුවන් මගීන් සියලු දෙනා නීරෝධායන කටයුතු සදහා රැගෙන යෑම සිදු කෙරුණා.

 

මෙවැනි තවත් උණුසුම් සහ සත්‍ය පුවත් එසැණින් දැන ගැනීමට Neth FM Viber Group එක හා මෙතනින් එකතු වන්න.Click Here