වයස අවුරුදු 12 ත් 15 ත් අතර දරුවන්ට ද ෆයිසර් බයෝ එන්ටෙක් කොවිඩ් මර්දන එන්නත ලබාදීමට අමෙරිකාව ඖෂධ පාලන අධිකාරියේ අනුමැතිය ලබාදී තිබෙනවා. අමෙරිකානු ඖෂධ පාලන අධිකාරිය මීට පෙර එම එන්නත නිර්දේශ කර තිබුණේ වයස අවුරුදු 16ට වැඩි දරුවන් සදහා පමණයි.
මෙම නව තීරණය කොවිඩ් වසංගතය පාලනය කිරීම සදහා වැදගත් පියවරක් වනු ඇති බවයි එම ආයතනය ප්රකාශ කර ඇත්තේ.
වයස අවුරුදු 12 ත් 15 ත් අතර දරුවන් දෙදහසක් පමණ යොදා ගනිමින් සිදුකළ සායනික පරීක්ෂාවකින් අනතුරුව අමෙරිකානු ඖෂධ පාලන අධිකාරිය එම අනුමැතිය ලබාදී ඇති බවද විදෙස් මාධ්ය වාර්තාවල සදහන්.