Monday, October 18, 2021

General line - 0115112241

පළාත් අතර සංචරණ සීමාවන් ගැන ගනු ලැබූ තීරණය

4155Views



අවුරුදු 18 -19වයස් කාණ්ඩයේ පාසල් ළමුන් එන්නත් කිරීම ඔක්තෝම්බර් මස 21 වෙනිදා සිට ආරම්භ කිරීමට තීරණය කර තිබෙනවා. ඉගෙනුම ලබන පාසලේදීම එන්නත් ලබාගැනීමට සියලු දරුවන්ට අවස්ථාව සලසන ලෙස ජනාධිපති ගෝඨාභය රාජපක්ෂ මහතා සෞඛ්‍ය සහ අධ්‍යාපන බලධාරීන්ට දැනුම් දෙනු ලැබුවා.

අද (08) පෙරවරුවේ කොවිඩ් මර්දන විශේෂ කමිටුව සමග වීඩියෝ තාක්ෂණය ඔස්සේ පැවති රැස්වීමේ දී ජනාධිපතිතුමා මේ බව සඳහන් කර සිටියා.

මේ අතර දැනට ක්‍රියාත්මක පළාත් අතර සංචරණ සීමා  ලබන 21 වනදා දක්වා පැවතිය යුතු බවටද තීරණය කෙරුණා.

සෑම පාසලකදීම සිදු කෙරෙන එන්නත්කරණය වෛද්‍යවරයෙකුගේ අධීක්ෂණය යටතේ සිදු විය යුතු බව ජනාධිපතිතුමා අවධාරණය කර සිටියා. එම වයස් කාණ්ඩයේ පාසල් හැරගිය දරුවන් එන්නත්කරණය ප්‍රදේශයේ සෞඛ්‍ය වෛද්‍ය කාර්යාලය මගින් සිදු කිරීමට ද උපදෙස් ලබා දෙනු ලැබුවා.

මේ වන විට වයස අවුරුදු 60ට වැඩි ජනගහණයෙන් 100%ක්, 30 ට වැඩි ජනගහණයෙන් 98% ක් එන්නත ලබාගෙන ඇති බව අනාවරණය කෙරුණා. වයස් කාණ්ඩය 20 -30 අතර එන්නත ලබානොගත් පිරිස කඩිනමින් එන්නත්කරණයට පියවර ගන්නා ලෙස ද ජනාධිපතිතුමා උපදෙස් ලබා දුන්නේ. 

වයස 12 – 19 අතර වයස් කාණ්ඩයේ සංජනනීය දරුවන් දසදහසකට අධික පිරිසකට මේ වන විට  එන්නත ලබාදී තිබේ. දිවයිනේ සියලු රෝහල් සායනවලදී එම කටයුතු අඛණ්ඩව සිදු කෙරෙන බව පළාත් වෛද්‍ය අධ්‍යක්ෂකවරු සඳහන් කර සිටියේ.

එන්නත්කරණය සාර්ථක කරගැනීමට දායක වූ සෞඛ්යඛ හා ආරක්ෂක අංශ ඇතුළු සියලුම පාර්ශ්වයන්ට ජනාධිපති ගෝඨාභය රාජපක්ෂ මහතා සිය ස්තූතිය පළ කර සිටියා.

ප්‍රවාහන රාජ්‍ය අමාත්‍ය දිලුම් අමුණුගම පැවසුවේ ලබන 21 වනදා තෙක් අන්තර් පළාත් බස්රථ ද කිසිවක් ධාවනය නොවන බවයි. කෙසේවෙතත් සෞඛ්‍ය උපදෙස් මත තාවකාලිකව අත්හිටුවා ඇති සියලුම දුම්රිය සේවා ලබන 15 වනදා සිට ධාවනයට එක් කරන බව ඊයේ ප්‍රකාශ කෙරුණා.

 

මෙවැනි තවත් උණුසුම් සහ සත්‍ය පුවත් එසැණින් දැන ගැනීමට Neth FM Viber Group එක හා මෙතනින් එකතු වන්න.Click Here