නිසි ක්රමවේදයන් යටතේ කටයුතු සිදුනොකිරීමෙන් මෙරට ආර්ථිකය පවත්නා තත්ත්වයන් යටතේම තවත් යම් කාලයක් පවතිනු ඇතැයි වෙරිටේ රිසර්ච් ආයතනය පවසනවා.
එහි අධ්යක්ෂ ආර්ථික විශේෂඥ ආචාර්ය නිශාන් ද මෙල් නෙත් නිවුස් කළ විමසීමකදී පැවසුවේ ණය නොගෙවීම හේතුවෙන් ආර්ථිකයේ පිරිහීමක් මෙන්ම ආර්ථිකයේ වර්ධනයක් එම කාලසීමාව තුළ සිදුනොවීම ඊට හේතුව බවයි.
ඒ අනුව ආර්ථිකය ගොඩගැනීම සඳහා නිසි සැලසුම් සකස් කළ යුතු බවද ඔහු සඳහන් කළා.
ජාත්යන්තර මුල්ය අරමුදලෙන් අමෙරිකානු ඩොලර් බිලියන 2 යි දශම 9 ක මුදලක් ලැබෙන්නේද වසර 4 ක් තුළ අවස්ථා කිහිපයකදී බව ආර්ථික විශේෂඥ ආචාර්ය නිශාන් ද මෙල් පැවසුවේ. කෙසේවෙතත් එම මුදල ශ්රී ලංකාවට ලැබුණද රට ගොඩනැගිය නොහැකි බවයි ඔහු පෙන්වා දුන්නේ.
ජාත්යන්තර මුල්ය අරමුදලෙන් මෙරටට හිමිවන මුදල මේ වසරේදී නොලැබෙනු ඇති බවටයි දැනටමත් ප්රකාශ කර ඇත්තේ.