පන්දුවාර විස්සයි 20 කාන්තා ලෝක කුසලාන ක්‍රිකට් තරඟාවලියේ අවසන් පූර්ව වටයට කල්වේලා ඇතිවම සුදුසුකම් ලැබීමට ශ්‍රී ලංකාව තබා තිබූ බලාපොරොත්තු ඈතට ගොස් තිබෙනවා. ඒ, ඕස්ට්‍රේලියානු කාන්තා ක්‍රිකට් කණ්ඩායම සමඟ පැවති තරඟයෙන් පරාජය වීම හේතුවෙන්.
තරඟයේ ප්‍රථමයෙන් පන්දුවට පහර දුන් ශ්‍රී ලංකා කාන්තා ක්‍රිකට් කණ්ඩායම නියමිත පන්දුවාර 20දී කඩුලු 8කට ලකුණු 112ක් රැස් කළා. එම ඉලක්කය කිසිවකු නොදැවී 16වන පන්දුවාරයේදී සම්පූර්ණ කිරීමට ඕස්ට්‍රේලියානු කාන්තා ක්‍රිකට් කණ්ඩායම සමත් වුණා.
තරඟාවලියේ මීට පෙර පැවති තරඟවලදී ශ්‍රී ලංකා කාන්තා කණ්ඩායම විසින් දකුණු අප්‍රිකාව සහ බංග්ලාදේශය පරාජය කරනු ලැබුවා. පන්දුවාර විස්සයි 20 කාන්තා ලෝක කුසලාන ක්‍රිකට් තරඟාවලියේ ශ්‍රී ලංකා කාන්තා ක්‍රිකට් කණ්ඩායම සහභාගී වන මූලික වටයේ අවසන් තරඟය ලබන ඉරිදා නවසීලන්තය සමඟ පැවැත්වීමට නියමිතයි.
