ප්‍රංශයේ පැවැත්වීමට නියමිත ලෝක කුසලාන රග්බි තරගාවලියේ කුසලානය අද දිවයිනට රැගෙන එනු ලැබුවා. නෙත් නිවුස් කටුනායක ගුවන් තොටුපළ වාර්තාකරු පැවසුවේ රග්බි ලෝක කුසලානය ප්‍රංශයේ පැරිස් නුවර සිට දිවයිනට රැගෙන ආ බවයි.
රග්බි ලෝක කුසලානය භාරව සහ එහි ආරක්ෂාව සඳහා ප්‍රංශයේ සිට විශේෂ නිලධාරියෙකුද පැමිණ තිබෙනවා. දිවයිනට රැගෙන ආ එම කුසලානය ලබන 23වනදා දක්වා මහජන ප්‍රදර්ශනයට තැබෙනවා.
හිටපු මහ බැංකු අධිපති , ශ්‍රී ලංකා කණ්ඩායමේ පළමු රග්බි ක්‍රීඩා නායක වූ ආචාර්ය ඉන්ද්‍රජිත් කුමාරස්වාමි ඇතුළු පිරිසක් දිවයිනට රැගෙන ආ එම කුසලානය පිළිගැනීම සදහා කටුනායක ගුවන් තොටුපළ වෙත පැමිණ සිටි බවද නෙත් නිවුස් වාර්තාකරු පැවසුවා.
2023 රග්බි ලෝක කුසලාන තරඟාවලිය සැප්තැම්බර් 8 සිට ඔක්තොම්බර් 28 දක්වා ප්‍රංශයේ පැවැත්වීමට නියමිතයි.
