ශ්‍රී ලංකා ක්‍රිකට් කණ්ඩායම අද අලුයම නවසීලන්තය බලා දිවයිනෙන් පිටත්ව ගියා. ඒ, ටෙස්ට් තරග 02 කට, එක් දින තරග 03 කට සහ විස්සයි විස්ස තරග 03 කට සහභාගී වීම සදහායි.
මෙම තරගාවලියේදී දෙරට අතර පැවැත්වීමට නියමිත ටෙස්ට් තරග 02ක, ලෝක ශූරතා ටෙස්ට් තරගාවලිය යටතේ පැවැත්වෙන තරග වන අතර, එක්දින තරගාවලිය එළඹෙන ලෝක කුසලාන ක්‍රිකට් තරගාවලිය සදහා සුදුසුකම් ලැබීමේ තරග ලෙස පැවැත්වීමට නියමිතයි.
මෙම තරගාවලියේදී සුපුරුදු පරිදි ශ්‍රී ලංකා ටෙස්ට් ක්‍රිකට් කණ්ඩායමේ නායකත්වය දිමුත් කරුණාරත්න විසින් දරණ අතර එක් දින සහ විස්සයි විස්ස කණ්ඩායම්වල නායකත්වය දසුන් ශානකට හිමිව තිබෙනවා. ක්‍රීඩකයන් 17 දෙනෙකු සහ නිලධාරීන් 12 දෙනෙකු අද අලුයම නවසීලන්තය බලා පිටත්ව ගිය බව කටුනායක ගුවන් තොටුපොල නෙත් නිවුස් වාර්තාකරු සදහන් කළා.
