24 වන වරටත් පැවැත්වෙන ගුවන් හමුදා පාපැදි සවාරියේ අවසන් දිනය අදයි. අද තරඟය ආරම්භ වන්නේ පොළොන්නරුවෙන්. අනුරාධපුරයෙන් තරඟය අවසන් වනවා.
අද ක්‍රියාත්මක වන්නේ පාපැදි සවාරියේ තුන්වන අදියරයි. එය කිලෝමීටර් 132 ක දුරකින් යුක්ත වනවා. ගුවන් හමුදා පාපැදි සවාරියේ කාන්තා පාපැදි තරඟය ද අද ආරම්භ වනවා. තරඟය පැවැත්වෙන්නේ හබරණ සිට අනුරාධපුරය දක්වායි. එහි සමස්ථ දුර කිලෝමීටර් 84 යි දශම 9 ක්.
ගුවන් හමුදා පාපැදි සවාරියේ මේ දක්වා පැවති අදියර දෙකේදී ඉදිරියෙන් සිටින්නේ යුද හමුදා කණ්ඩායමයි. නාවික හමුදා කණ්ඩායම හා දෙහිවල - ගල්කිස්ස මහනගරසභා කණ්ඩායම ඔවුන්ට ප්‍රබල අභියෝගයක් ලබාදෙමින් සිටිනවා. වසරේ දැවැන්තම පාපැදි සවාරිය වන ගුවන් හමුදා පාපැදි සවාරිය සඳහා නිල රේඩියෝ මාධ්‍ය අනුග්‍රහය නෙත් එෆ් එම් රේඩියෝව ලබාදෙනවා.
