24 වන වරටත් සංවිධාන කළ ගුවන් හමුදා පාපැදි සවාරියේ සමස්ත තරඟාවලියේ පළමු සහ දෙවන ස්ථාන දිනා ගැනීමට යුද හමුදාව සමත් වුණා. ඒ අනුව, පළමු ස්ථානය චන්දන දයානන්ද සහ දෙවන ස්ථානය අවිශ්ක දිල්නුවන් හිමි කර ගත්තා.
දෙහිවල ගල්කිස්ස මහ නගර සභාව නියෝජනය කළ සුරංග රණවීර මෙවර ගුවන් හමුදා පාපැදි සවාරියේ තෙවන ස්ථානය දිනා ගත්තා.
අදියර තුනක් යටතේ පැවති ගුවන් හමුදා පා පැදි සවාරියේ අවසන් අදියර නිමා වුණේ අනුරාධපුර සල්ගාදු ක්‍රීඩාංගනයේදීයි. සමස්ත තරඟාවලියේ දුර කිලෝමීර් 395යි දශම 4ක්. තරඟයේ තුන්වන අදියරේ තොරතුරු අනුරාධපුර සල්ගාදු ක්‍රීඩාංගනයේ රැඳී සිටින නෙත් විශේෂ නියෝජිත දුලාන් දිසානායකගෙන්.
ජයග්‍රාහකයින්ට මුදල් ඇතුළු ත්‍යාග ලබා දීම මේවනවිට සිදු වනවා. 24 වන වරටත් පැවැත්වුණු ගුවන් හමුදා පාපැදි සවාරිය සඳහා නිල රේඩියෝ මාධ්‍ය අනුග්‍රහය ලබා දුන්නේ නෙත් එෆ් එම් රේඩියෝවයි.
