ඒ, හරියටම මීට වසර 09 කට පෙර අප්‍රේල් 06 වනදා අදවන් දිනක මුළු රටම එකසේ උද්දාමයට පත්වූ අවස්ථාවයි. ඒ, 2014 වසරේ පැවති පන්දුවාර විස්සයි 20 ලෝක කුසලානය ශ්‍රී ලංකාව දිනාගත් අවස්ථාවයි.
මීර්පූර්හිදී පැවති අවසන් මහා තරඟයේදී ප්‍රතිවාදීන්වූ ඉන්දියාව, කඬුලු 06 කින් පරාජයට පත්කිරීමට ශ්‍රී ලංකාව සමත් වුණා. මෙම ජයග්‍රහණය වැදගත් වූයේ ඒ වන විටත් ශ්‍රී ලංකාව ලෝක කුසලාන 04 ක අවසන් මහා තරඟයට පිවිස ඉන් පරාජයට පත්ව තිබීම හේතුවෙන්.
එමෙන්ම ශ්‍රී ලංකාවෙන් බිහිවූ සුපිරි ක්‍රීඩකයින් වන කුමාර් සංගක්කාර සහ මහේල ජයවර්ධනගේ අවසන් පන්දුවාර විස්සයි 20 තරඟය වූයේද එම තරඟයයි. එමෙන්ම ශ්‍රී ලංකාව පන්දුවාර විස්සයි 20 ලෝක කුසලානයක් ජයග්‍රහණය කළ පළමු අවස්ථාව ද එයයි.
