ඉන්දීය ප්‍රිමියලීග් ක්‍රිකට් තරඟාවලියේ 13වන තරඟය මේවනවිට පැවැත්වෙනවා. ඒ, ගුජරාට් ටයිටන්ස් කණ්ඩායම සහ කොල්කටා නයිට් රයිඩර්ස් කණ්ඩායම් අතරයි. කාසියේ වාසිය දිනූ ගුජරාට් ටයිටන්ස් කණ්ඩායම තීරණය කළේ පළමුව පන්දුවට පහර දීමටයි.
ඒ අනුව, ඔවුන් නියමිත පන්දුවාර 20 අවසානයේ කඩුලු 4ක් දැවී ලකුණු 204ක් රැස් කළා. විශිෂ්ට පිති හරඹයක නිරත වූ විජේශන්කර් පන්දු 24කදී නොදැවී ලකුණු 63ක් රැස් කළා. ඊට 6යේ පහර 5ක් සහ 4රේ පහර 4ක් ඇතුළත්. සායි සුදර්ශන් පන්දු 38කදී 6යේ පහර 2ක් සහ 4රේ පහර 3ක් සමඟින් ලකුණු 53යි. පන්දු යැවීමේදී සුනිල් නරායන් ලකුණු 33කට කඩුලු 3ක් දවා ගත්තා.
ලකුණු 205ක ජයග්‍රාහී ඉලක්කයක් හඹා යන කොල්කටා නයිට් රයිඩර්ස් කණ්ඩායම පන්දු වාර 20ක් අවසානයේ කඩුලු 7ක් දැවී ලකුණු 207ක් රැස් කරගනිමින් තරගය ජයග්‍රහණය කිරීමට සමත් වුවා.
වෙන්කටෙෂ් අයියර් පන්දු 40කදී ලකුණු 83ක් රැස් කළා. ඊට 6යේ පහර 5ක් සහ 4රේ පහර 8ක් ඇතුළත්.
