ඉන්දියන් ප්‍රිමියර් ලීග් ක්‍රිකට් තරගයේ කොල්කටා නයිට් රයිඩර්ස් කණ්ඩායම සමග පැවති තරගය ලකුණු 23කින් ජය ගැනීමට සන්රයිසස් හයිද්‍රාබාද් කණ්ඩායම ඊයේ සමත් වුනා.
තරගයේ ප්‍රථමයෙන් පන්දුවට පහර දුන් සන්රයිසස් කණ්ඩායම නියමිත පන්දුවාර 20 අවසානයේ කඩුළු 04ක් පමණක් දැවී රැස්කළ ලකුණු සංඛ්‍යාව 228ක්.
විශිෂ්ඨ ඉනිමක් ක්‍රීඩා කළ හැරී බ්‍රෝක් පන්දු 55කදී නොදැවී ලකුණු 100ක් රැස් කළා. ඔහුගේ ශතකයට 06 යේ පහර 03ක් සහ 04 පහර 12ක් ඇතුළත් වුණා. නායක ඒඩන් මාර්ක්‍රම් ලකුණු 50යි. පන්දු යැවීමේදී පන්දු වාර 02යි එක් පන්දුවක් තුළ ලකුණු 22ක් ලබා දුන් අන්ඩි්‍ර රසෙල් කඩුළු 03ක් දවා ගත්තා.
කෙසේ වෙතත් ජයග්‍රාහී ලකුණු 229ක දැවැන්ත ඉලක්කයක් හඹා යාමට පිටියට පිවිසි කොල්කටා කණ්ඩායමට නියමිත පන්දුවාර 20 අවසානයේ කඩුළු 07ක් දැවී රැස් කිරීමට හැකි වුයේ ලකුණු 205ක් පමණයි.
නායක නිතීෂ් රානා ලකුණු 75ක් රැස් කළා. පන්දු යැවීමේදී මාර්කෝ ජැන්සන් සහ මයන්ක් මාර්කාන්ඩේ කඩුළු 02 බැගින් දවා ගනු ලැබුවා.
නොදැවී ලකුණු 100ක් රැස් කළ සන්රයිසස් හයිද්‍රාබාද් කණ්ඩායමේ හැරී බ්‍රෝක් තරගයේ වීරයා ලෙස සම්මානය දිනා ගත්තා.
