සංචාරක අයර්ලන්ත කණ්ඩායම සහ ශ්‍රී ලංකා කණ්ඩායම අතර පැවැත්වෙන තරග 02කින් සමන්විත ටෙස්ට් ක්‍රිකට් තරගාවලියේ පළමු තරගය අද පෙරවරු 10ට ආරම්භ වීමට නියමිතයි. ඒ, ගාල්ල ජාත්‍යන්තර ක්‍රිකට් ක්‍රීඩාංගනයේදීයි.
අයර්ලන්ත කණ්ඩායම සමග පැවැත්වෙන ටෙස්ට් ක්‍රිකට් තරගාවලිය සදහා සහභාගි වන ශ්‍රී ලංකා සංචිතය පසුගියදා ප්‍රකාශයට පත් කළා. එහි නායකයා ලෙස දිමුත් කරුණාරත්න කටයුතු කරන අතර ඔහු ශ්‍රී ලංකා කණ්ඩායමට නායකත්වය ලබාදෙන අවසන් ටෙස්ට් තරගාවලිය මෙය වනවා.
අද පැවැත්වෙන තරගයට ශ්‍රී ලංකා කණ්ඩායමේ සූදානම පිලිබදව ඔහු මෙලෙස අදහස් පල කළා.
මේ අතර සංචාරක අයර්ලන්ත කණ්ඩායම සහ ශ්‍රී ලංකා කණ්ඩායම අතර ගාල්ල ජාත්‍යන්තර ක්‍රිකට් ක්‍රීඩාංගනයේ පැවැත්වෙන ටෙස්ට් ක්‍රිකට් තරගාවලිය නොමිලේ නැරඹීමට ක්‍රීඩා ලෝලීන්ට අවස්ථාව හිමි වනවා.
