නවතම ටෙස්ට් පිතිකරුවන් අතර ශ්‍රී ලංකා ක්‍රීඩකයින් කිහිප දෙනෙකු ඉදිරියට පැමිණ තිබෙනවා.
ඒ අතරින් ශ්‍රී ලංකා නායක දිමුත් කරුණාරත්න ටෙස්ට් පිතිකරුවන් අතර නමවන ස්ථානයට පැමිණ සිටිනවා.
දිනේෂ් චන්දිමාල් ස්ථාන 4ක් ඉදිරියට එමින් ටෙස්ට් පිතිකරුවන් අතර පසු වන්නේ 14වන ස්ථානයේයි.
කුසල් මෙන්ඩිස් ස්ථාන 9ක් ඉදිරියට පැමිණ තිබෙනවා.
නවතම ශ්‍රේණිගත කිරීමෙන් ඔහු පසු වන්නේ 42වන ස්ථානයේයි.
නවක පිතිකරු සදීර සමරවික්‍රමද හොඳම ටෙස්ට් පිතිකරුවන් සිය දෙනා අතරට එක් වෙමින් 81වන ස්ථානකයට ශ්‍රේණිගත වී සිටිනවා.
මෙම පිතිකරුවන් සිව් දෙනාම අයර්ලන්තයට එරෙහි පළමු ටෙස්ට් තරඟයේදී ශතක වාර්තා කළ අයයි.
මේ අතර නවතම ටෙස්ට් පන්දු යවන්නන් අතර 19වන ස්ථානයට පැමිණීමට දඟ පන්දු යවන ක්‍රීඩක ප්‍රභාත් ජයසූරිය සමත් වී තිබෙනවා.
