ලොව ප්‍රබලතම රාජ්‍ය නායකයින් එකිනෙකා මුණ ගැසෙන ජී 20 සමුළුව සදහා මේ වනවිට ඉන්දියාව සූදානම් වෙමින් පවතිනවා. අද සහ හෙට සමුළුව පැවැත්වීමට නියමිතයි. ඊට සහභාගිවීමට ලොව ප්‍රබල රටවල නායකයින් මේ වනවිටත් ඉන්දියාවට පැමිණෙමින් සිටිනවා. ඒ අතරට අමෙරිකානු සහ බි්‍රතාන්‍ය රාජ්‍ය නායකයින්ද අයත්.
ජී 20 සමුළුව යනු ලොව විශාලතම ආර්ථිකය හිමි රටවල් 19 සහ යුරෝපා සංගමයේ එකතුවෙන් පැවැත්වෙන ලොව ප්‍රධානතම සමුළුවක්. ජී 20 රටවල් ලෝක ආර්ථික නිෂ්පාදනයෙන් සියයට 85 ක් සහ ලෝක වෙළදාමෙන් සියයට 75ක් නියෝජනය කරනවා. ගෝලීය ජනගහණයෙන් තුනෙන් දෙකක් නියෝජනය කරන්නේ ජී 20 රටවල්.
