ඊශ්‍රායල් - හමාස් ගැටුම් හමුවේ ගාසා තීරයේ රෆා දේශ සීමාව පළමු වරට විවෘත කර තිබෙනවා. ඒ අනුව සති 3 කට අධික කාලයක් ගැටුම් මධ්‍යයේ සිරවී සිටි පිරිස් පළමු වරට ගාසා තීරයෙන් ඉවතට පැමිණ ඇතැයි විදෙස් මාධ්‍ය වාර්තා කළා.
එම පිරිස 400 කට අධිකයි. ඒ අතරින් බහුතරය විදෙස් ගුවන් බලපත්‍ර හිමි පිරිසයි. තුවාල ලැබූ ගාසා වැසියන් 76 දෙනෙකු ද මෙහිදී ගාසා තීරයෙන් පිටතට පැමිණ ඇති බවයි විදෙස් මාධ්‍ය වාර්තා කළේ.
මේ අතර ගාසා තීරයේ දුරකථන සහ අන්තර්ජාල සේවා සම්පූර්ණයෙන් ම කපා දමා ඇති බව ද දුරකථන සමාගම් පවසනවා.
ඊශ්‍රායල් - හමාස් ගැටුම් පළමු වරට ආරම්භ වූයේ කුත් ඔක්තෝම්බර් 7 වනදායි. හමාස් ප්‍රහාරවලින් මියගිය සංඛ්‍යාව 1,400 ක්. පැහැර ගැනීමට හෝ ප්‍රාණ ඇපකරුවන් ලෙස හෝ රඳවාගෙන සිටින පිරිස 239 ක්.
ඊශ්‍රායල් ප්‍රහාරවලින් ද පුද්ගලයින් 8,700 කට වැඩි පිරිසක් මේ වන විට මියගොස් තිබෙනවා.
