එංගලන්ත ජාතික ක්‍රිකට් කණ්ඩායමේ තවත් ක්‍රීඩකයෙකු ඉන්දීය ප්‍රීමියර් ලීග් ක්‍රිකට් තරගාවලියෙන් ඉවත් වී තිබෙනවා.
මෙලෙස ඉවත් වී ඇත්තේ මෙම වසර මුලදී රාජස්ථාන් රෝයල්ස් වෙනුවෙන් IPL තරඟාවලියට පිවිසි එංගලන්ත පිතිකරු ජෝ රූට්.
රෝයල්ස් ක්‍රිකට් අධ්‍යක්ෂ කුමාර සංගක්කාර පවසා ඇත්තේ ඔහුගේ තීරණය මේ වන විට නිල වශයෙන් ලැබී ඇති බවයි.
ඔහුව කණ්ඩායමේ තබා ගන්නවාද ඉවත් කරනවාද යන්න තීරණය කිරීමට පෙරම රූට් තම කණ්ඩායමෙන් ඉවත් වී ඇති බවයි සංගක්කාර පවසා ඇත්තේ.
කෙසේ වෙතත් දින කිහිපයක් තුල ඉන්දීය ප්‍රිමියර් ලීග් පිටියෙන් ඉවත් වු දෙවන එංගලන්ත ක්‍රීඩකයා වන්නේ ජෝ රූට්.
මීට පෙර සුපිරි පිතිකරු බෙන් ස්ටොක් ද ඉන්දීය ප්‍රිමියර් ලීග් තරගාවලියෙන් ඉවත් වුණා.
මෙවර ක්‍රීඩක වෙන්දේසිය පැවැත්වෙන්නේ දෙසැම්බර් 19වනදායි.
ඊට පෙර අද දිනයේදී සෑම කණ්ඩායමක්ම රදවාගන්නා හා මුදා හරින ක්‍රීඩකයින් කවුදැයි නිල වශයෙන් ප්‍රකාශ කල යුතුයි.
