ඉන්දීය කණ්ඩායම සහ දකුණු අප්‍රිකානු කණ්ඩායම අතර තරඟ තුනකින් සමන්විත පළමු එක්දින තරඟයෙන් කඩුලු 08ක ජය හිමි කර ගැනිමට ඉන්දිය කණ්ඩායම අද සමත් වුණා.
කාසියේ වාසිය දිනූ දකුණු අප්‍රිකානු කණ්ඩායම ප්‍රථමයෙන් පන්දුවට පහරදීමට තීරණය කළා.
ඒ අනුව පිටියට පිවිසි දකුණු අප්‍රිකානු කණ්ඩායමට පන්දුවාර 27යි පන්දු 3කදී සියලුදෙනා දැවී රැස්කර ගත හැකි වූයේ ලකුණු 116ක් පමණයි.
ලකුණු 117ක ජයග්‍රාහී ඉලක්කයක් හඹා ගිය ඉන්දීය කණ්ඩායම පන්දුවාර 16යි පන්දු 04කදි සිය ජයග්‍රාහී ඉලක්කය සපුරා ගත්තා.
ඉන්දිය කණ්ඩායම වෙනුවෙන් ශ්‍රියාෂ් අයිවර් ලකුණු 52ක් රැස් කළ අතර සුදර්ශන් නොදැවී ලකුණු 55ක් රැස් කළා.
