සංචාරක සිම්බාබ්වේ කණ්ඩායම සහ ශ්‍රී ලංකා කණ්ඩායම අතර පැවැත්වෙන පන්දුවාර විස්සයි විස්ස දෙවන ක්‍රිකට් තරගය අද රාත්‍රී 7ට කොළඹ ආර් ප්‍රේමදාස ක්‍රීඩාංගණයේදී ආරම්භ වනවා.
තරග 03කින් සමන්විත විස්සයි විස්ස තරගාවලියේ පළමු තරගයෙන් ශ්‍රී ලංකාව ජය ලැබුවා.
අද තරගය සඳහා ශ්‍රී ලංකා කණ්ඩායමේ කිසිඳු වෙනසක් සිදු නොවනු ඇති බවයි ක්‍රිකට් ආරංචිය මාර්ග පවසන්නේ.
දෙරට අතර තුන්වන සහ අවසන් පන්දුවාර විස්සයි විස්ස තරගය අනිද්දා පැවැත්වීමට නියමිතයි.
මේ අතර ඇන්ජලෝ මැතිව්ස් කණ්ඩායමට ගෙන්වීම සම්බන්ධයෙන් සමාජ මාධ්‍ය ඔස්සේ සංසරණය වූ ඇතැම් වාර්තා සම්බන්ධයෙන් ඊයේ පැවැති මාධ්‍ය හමුවකදී මාධ්‍යවේදීන් පන්දුවාර විස්සයි විස්ස ක්‍රිකට් කණ්ඩායමේ නායක වනිදු හසරංගගෙන් විමසීමක් කළා.
එහිදී ඔහු මාධ්‍ය වෙත පළ කළේ මෙවන් අදහසක්.
මේ අතර සංචාරක සිම්බාබ්බේ කණ්ඩායම සමග පැවැත්වෙන තරග සියල්ලම කොළඹ ආර් ප්‍රේමදාස ක්‍රීඩාංගණයේදී පැවැත්වීම සම්බන්ධයෙන් මාධ්‍යවේදීන් එහිදී ශ්‍රී ලංකා ක්‍රිකට් ආයතනයේ වැඩ බලන ලේකම් ක්‍රිශාන්ත කපුවත්තගෙන් විමසීමක් කළා.
