ශ්‍රී ලංකා ක්‍රිකට් නායිකා චමරි අතපත්තු, 2023 වසරේ ජාත්‍යන්තර ක්‍රිකට් පිටියේ එක්දින ක්‍රිකට් ක්‍රීඩිකාව ලෙස ජාත්‍යන්තර ක්‍රිකට් කවුන්සිලය විසින් නම්කර තිබෙනවා.
ඒ, ඇය 2023 වසරේදී එක්දින පිටියේ දැක්වු දක්ෂතා හේතුවෙන්. 2023 වසරේදී එක්දින තරග 08කට සහභාගීවී ඇති චමරි අතපත්තු ලකුණු 415 ක් රැස්කර ඇති අතර එක් කඬුල්ලක් ද දවාගෙන තිබෙනවා.
චමරිගේ නායකත්වය යටතේ 2023 වසරේ බංග්ලාදේශය හා නවසීලන්තයට එරෙහිව තරඟාවලි ජයක් වාර්තා කළා.
ශ්‍රී ලංකාව නවසීලන්ත කාන්තා කණ්ඩායමට එරෙහිව රැස්කළ පළමු තරඟාවලි ජයග්‍රහණය ද එයයි.
එහිදී චමරි නොදැවී රැස්කළ ලකුණු 140 ලොව පුරා කාගේත් කතාබහට ලක්වුණා.
එමෙන්ම විදේශයකදී ශ්‍රී ලංකා කාන්තා කණ්ඩායම සිය පළමු තරඟාවලි ජය ලබමින් එංගලන්තය 2 ට බිංදුවක් ලෙස පරාජය කළේ ද චමරිගේ නායකත්වය යටතේයි.
