වවුනියාව කුරුමන්කාඩු කාලි කෝවිල වීදිය ප්‍රදේශයේ ගෙවත්තක තිබි කාන්තා මළ සිරුරක් අද සොයාගත් බව වවුනියාව පොලිසිය පවසනවා
පොලිසිය පැවසූවේ ජෙනිටා නමැති 29 හැවිරිදි කාන්තාවගේ මළ සිරුර ඇය ජිවත් වු නිවස ඉදිරිපස ළිඳ තුළ තිබි සොයාගත් බවයි.
මියගිය කාන්තාවගේ ස්වාමිපුරුෂයා විදේශගතව ජිවත්වන අතර මියගිය කාන්තාව හා ඇයගේ හත් හැවිරිදි දරුවා ස්වාමිපුරුෂයාගේ ඥාතීන් සමඟ අදාළ නිවසේ ජිවත්ව ඇති බවයි පොලිසිය පැවසුවේ.
මියගිය කාන්තාවගේ මළ සිරුර සම්බන්ධයෙන් මහේස්ත්‍රාත් මරණ පරීක්ෂණයෙන් අනතුරුව මළ සිරුර පශ්චාත් මරණ පරීක්ෂණ වෙනුවෙන් වවුනියාව රෝහල් මෘත ශරීරාගාරයට යොමුකිරීමට නියමිත බවද පොලිසිය සඳහන් කළා.
මරණය සම්බන්ධයෙන් වවුනියාව පොලිසිය වැඩිදුර පරීක්ෂණ මෙහෙයවයි.
