ශ්‍රී ලංකා පන්දුවාර විස්සයි විස්ස කණ්ඩායමේ හිටපු නායක වනිඳු හසරංග ජාත්‍යන්තර විස්සයි විස්ස නකතම ශ්‍රේණිගත කිරීම්වලින් පසුබැස තිබෙනවා.
ජාත්‍යන්තර ක්‍රිකට් කවුන්සිලය ප්‍රකාශයට පත් කළ නවතම විස්සයි විස්ස පන්දු යැවීමේ ශ්‍රේණිගත කිරීමේ ඔහුට හිමිව ඇත්තේ සිව්වන ස්ථානයයි.
ඒ, එක් ස්ථානයක් පසු බසිමින්.
පන්දුවාර විස්සයි විස්ස තුන් ඉරියව් ක්‍රීඩකයින්ගේ ලැයිස්තුවේදී ද වනිඳු හසරංග ස්ථාන දෙකකින් පසුබැස තිබෙනවා.
ඔහු නවතම ශ්‍රේණිගත කිරීමේදී පසුවන්නේ සිව් වන ස්ථානයේයි.
මේ අතර, නවතම පන්දුවාර විස්සයි විස්ස පිතිකරණ ශ්‍රේණිගත කිරීම්වල ස්ථාන 11ක් ඉදිරියට පැමිණීමට ශ්‍රී ලංකා ආරම්භක පිතිකරු පැතුම් නිස්සංක සමත් වී තිබෙනවා.
ඔහු මේ වන විට පසුවන්නේ විස්සයි විස්ස පිතිකරුවන් අතර 15 වන ස්ථානයේයි.
කුසල් මෙන්ඩිස්ද ස්ථාන දෙකක් ඉදිරියට පැමිණෙමින් 19වන ස්ථානයට පැමිණ සිටිනවා.
ජාත්‍යන්තර ක්‍රිකට් කවුන්සිලය ප්‍රකාශයට පත් කළ නවතම ටෙස්ට් පිතිකරු ශ්‍රේණිගත කිරීමේ ලැයිස්තුවේ පෙරමුණ ගැනීමට එංගලන්ත පිතිකරු ජෝ රූට් සමත් වී තිබෙනවා.
ඒ, පළමු ස්ථානයේ සිටි නවසීලන්තයේ සිටි කේන් විලියම්සන් දෙවන ස්ථානයට ඇද දමමින්.
දිමුත් කරුණාරත්න එම ශ්‍රේණිගත කිරීමේ ලැයිස්තුවේ 09වන ස්ථානයේ පසුවනවා.
