එංගලන්ත ක්‍රිකට් කණ්ඩායමේ දඟ පන්දු යවන තුන් ඉරියව් ක්‍රීඩක මොයින් අලී ජාත්‍යන්තර ක්‍රිකට් පිටියෙන් සමු ගැනීමට තීරණය කර තිබෙනවා
මේ බව නිල වශයෙන් නිවේදනය කර ඇති බවයි විදෙස් මාධ්‍ය වාර්තා කරන්නේ
37 හැවිරිදි ඔහු එංගලන්තය වෙනුවෙන් ටෙස්ට් තරග 68ක්, එක්දින තරග 138ක් සහ විස්සයි20 තරග 92ක් ක්‍රීඩා කර තිබෙනවා.
2014 වසරේ ජාත්‍යන්තර ක්‍රිකට් වරම් හිමි කර ගත් අතර වමත් පිතිකරුවෙකු වන මොයින් එංගලන්තය වෙනුවෙන් ලකුණු 6678ක්, ටෙස්ට් ශතක පහක් සහ එක්දින ශතක තුනක්, අර්ධ ශතක 28ක් රැස් කර තිබෙනවා.
තවද එක්දින කඩුලු 111ක් සහ විස්සයි20 ක්‍රිකට් කඩුලු 51ක් සමඟින් ටෙස්ට් කඩුලු 204ක් ද ලබා ගෙන තිබෙනවා.
උඋප නායකයෙකු වශයෙන් ඔහු එක්දින ජාත්‍යන්තර සහ විස්සයි20 තරග 12 කදී එංගලන්තය ද මෙහෙයවීය.
එරට මාධ්‍ය සම්මුඛ සාකච්ඡාවකට එක්වෙමින් ඔහු පවසා සිටියේ මෙවැන්නක්
"මම එංගලන්තය වෙනුවෙන් ගොඩක් ක්‍රිකට් ක්‍රීඩා කරලා තියෙනවා. ඊළඟ පරම්පරාවට දැන් කාලය ඇවිත්. ඒක මටත් පැහැදිලියි. වෙලාව හරි කියලා දැනුණා. මම මගේ කොටස කළා. දැන් වුණත් මම යථාර්ථවාදී වෙන්න උත්සාහ කළා. මට අල්ලාගෙන නැවත එංගලන්තයට ක්‍රීඩා කිරීමට උත්සාහ කළ හැකියි, නමුත් යථාර්ථයේ දී මම ක්‍රීඩා නොකරන බව මම දනිමි. විශ්‍රාම ගියත් මට එය දැනෙන්නේ නැහැ මට තවමත් ක්‍රීඩා කළ හැකි බව මට හැඟෙනවා, නමුත් මට තේරෙනවා, කණ්ඩායම තවත් චක්‍රයක් බවට පරිණාමය විය යුතුයි. මම පිටියට, පිටියේදී සහ ඉන් පිටත ගෙනාවේ කුමක්දැයි මම දනිමි. මම හොඳින් ක්‍රීඩා කළත් නැතත් මිනිසුන් මා ක්‍රීඩා කරන ආකාරය නැරඹීමෙන් සතුටක් ලබන බව මට හැඟෙන තාක් කල්, මම ඒ ගැන සතුටු වුණා. "
මොයින් මීට පෙර 2021 සැප්තැම්බර් මාසයේදී ටෙස්ට් ක්‍රිකට් ක්‍රීඩාවෙන් විශ්‍රාම ගත් අතර එංගලන්තයේ 2023 අළු බඳුන තරගාවලිය සඳහා නැවත පැමිණීමට එකඟ වි තිබුනා
