ගෑස් මිල ගැන ලිට්‍රෝ සමාගමෙන් දැනුම් දීමක්

මෙම මාසයට අදාළව ගෑස් මිල සංශෝධනය නොවන බව ලිට්‍රෝ සමාගම පවසනවා.

ජාත්‍යන්තර වෙළඳපොලේ ගෑස් මිල ඉහළ යමින් ඇති බවයි එම සමාගම පැවසුවේ.

කෙසේවෙතත් ජනතාවට සහන සැලසීමේ අරමුණින් ගෑස් මිල සංශෝධනය නොකිරීමටයි ලිට්‍රෝ සමාගම තීරණය කර ඇත්තේ.

ඒ අනුව කිලෝග්‍රෑම් 12.5 ගෑස් සිලින්ඩරයක මිල රුපියල් 3,690 කටත් කිලෝග්‍රෑම් 5 ගෑස් සිලින්ඩරයක මිල රුපියල් 1,482 කටත් කිලෝග්‍රෑම් 2.3 ගෑස් සිලින්ඩරයක මිල රුපියල් 694 කටත් අලෙවි කරන බවයි ලිට්‍රෝ සමාගම පැවසුවේ.

පසුගිය මාසයේදී ද ලිට්‍රෝ ගෑස් මිලෙහි කිසිදු සංශෝධනයක් සිදු වූයේ නැහැ.