කොළඹ වරායට අයත් අධි ආරක්‍ෂිත මුහුදු කලාපයේ නැව් ගමනාගමනයට බාධා වන අයුරින් අනවසරෙන් මසුන් අල්ලමින් සිටි සැකකරුවන් තිදෙනෙකු පොලිස් නාවික කොට්ඨාසය මගින් අත්අඩංගුවට ගෙන තිබෙනවා.
ඒ, නාවික හමුදා නිලධාරීන්ගේ සහය ඇතිව සිදු කළ මෙහෙයුමකදීයි. සැකකරුවන් මසුන් ඇල්ලීම සඳහා යොදාගෙන තිබූ ඩිංගි යාත්‍රා තුනක්ද පොලිස් භාරයට ගෙන තිබෙනවා.
අත්අඩංගුවට ගත් සැකකරුවන් පමුණුගම ප්‍රදේශයේ පදිංචිකරුවන් බවටයි අනාවරණ වී ඇත්තේ.
සිද්ධිය සම්බන්ධයෙන් පොලිස් නාවික කොට්ඨාසයේ වැඩිදුර විමර්ශන සිදු කරනවා.
