මීටියාගොඩ, බලිමුල්ල ප්‍රදේශයේ දී පියෙකුට සහ දියණියකට වෙඩි තැබීමේ සිද්ධියට සම්බන්ධ සැකකරුවන් 05 දෙනෙකු පොලිසිය විසින් අත්අඩංගුවට ගෙන තිබෙනවා.
ඒ, මීටියාගොඩ පොලිසිය බටපොල ප්‍රදේශයේ සිදුකල වැටලීමකදීයි.
අත්අඩංගුවට ගත් සැකකරුවන් මීටියාගොඩ සහ අම්පේගම ප්‍රදේශවල පදිංචිකරුවන් වනවා. ඒ අතර වයස 19 ක සැකකරුවෙකු ද සිටින බවයි පොලිසිය පැවසුවේ.
සැකකරුවන් සන්තකයේ තිබී මිලි මීටර් 09 වර්ගයේ උණ්ඩ යෙදිය හැකි ගිනි අවියක් සහ අයිස් මත්ද්‍රව්‍ය මිලි ග්‍රෑම් 11 ක් සොයාගෙන තිබෙනවා.
සිය නිවසේ රැඳී සිටියදී අදාල පියා සහ දියණිය වෙඩි ප්‍රහාරයට ලක්ව තිබුණේ පෙරේදා දිනයේදීයි. ඔවුන් දෙදෙනා බලපිටිය රෝහලට ඇතුළත් කිරීමෙන් අනතුරුව එම දියණිය වැඩිදුර ප්‍රතිකාර සඳහා කරාපිටිය ජාතික රෝහලට ඇතුළත් කර ඇති බවද පොලිසිය පැවසුවා.
