හසිනි ගුණසිරි, ඩීකින් විශ්ව විද්‍යාලයේ තිරසාර සෞඛ්‍ය ජාලයේ පළමු ආචාර්ය උපාධි ශිෂ්‍යත්වය හිමිකරගත් පළපුරුදු පර්යේෂිකාවක් ලෙස ඉදිරිපත් වේ.
ඇය ග්‍රහලෝක සෞඛ්‍ය වැඩසටහන යටතේ කාන්තා නායකත්වය පෙන්වමින් Eceptional Women in Sustainability Award 2021, Healthy Environment and Lives Network සම්මානය (2023) සහ ඕස්ට්‍රේලියාවේ හොඳම EMCR ඉදිරිපත් කිරීමේ සම්මානය ඇතුළු විශිෂ්ට සම්මාන රැසක් දිනාගෙන ඇත.
අන්තර්ජාතික සම්මන්ත්‍රණවල විශිෂ්ට ඉදිරිපත් කිරීම් මඟින් ඇය, 2022 හාවඩ් විශ්ව විද්‍යාලයේ ග්‍රහලෝක සෞඛ්‍ය වාර්ෂික රැස්වීමට සහ Climate, and Health Collaboration (Sydney University) හා Interdisciplinary Expert Centre of Climate Change (Germany 2024) යන සංවිධාන මඟින් සංවිධානය කරන ලද වැඩසටහන්වලට ද මෙහෙයවී ඇත.
"වෙනස්වන දේශගුණයක් තුළ මානසික සෞඛ්‍යය: ළමුන් සහ තරුණයින් ප්‍රමුඛ ජනගහන කණ්ඩායමක් ලෙස" යන මාතෘකාව යටතේ ඇයගේ ක්‍රියාකාරකම්, 2023 දී ඕස්ට්‍රේලියානු පාර්ලිමේන්තුවේ නිලධාරීන් 227 දෙනා වෙත යොමු කළ තරුණ මානසික සෞඛ්‍ය සේවා අත්පොතෙහි ඇතුළත් කර ඇත.
දැනට ඇය මෙල්බර්න් විශ්ව විද්‍යාලයේ තරුණ මානසික සෞඛ්‍ය මධ්‍යස්ථානයේ පර්යේෂණ සාමාජිකාවක් ලෙස සේවය කරමින්, තිරසාරත්වය හා දේශගුණ වෙනස්වීම සම්බන්ධ අන්තර් විෂය ගවේශන ක්ෂේත්‍රයේ විශිෂ්ට දායකත්වයක් ලබාදෙයි.
