මීටියාගොඩ සහ මහවෙල යන ප්‍රදේශවල සිදු වූ රිය අනතුරු දෙකකින් පුද්ගලයින් තිදෙනෙකු මියගොස් තිබෙනවා.
මහවෙල, පල්ලේපොළ, මඩවල මාර්ගයේ නාරංගමුව ප්‍රදේශයේදී ත්‍රිරෝද රථයක් අනතුරට ලක්ව කාන්තාවක් ඇතුළු දෙදෙනෙකු ජීවිතක්ෂයට පත් වුණා.
අනතුරින් බරපතල තුවාල ලැබූ ත්‍රීරෝද රථ රියදුරු, පිරිමි පුද්ගලයෙකු, කාන්තාවන් දෙදෙනෙකු හා කුඩා දරුවෙකු මාතර රෝහලට ඇතුළත් කළ බවයි පොලිසිය පැවසුවේ.
අනතුරු සිදුව තිබුණේ ත්‍රීරෝද රථය රියදුරට පාලනය කරගත නොහැකිව පෙරලී යාමෙන්.
මීටියාගොඩ, කිරළගහවෙල ප්‍රදේශයේදී පාපැදියක් සහ යතුරු පැදියක් ගැටීමෙන් පාපැදිකරු ජීවිතක්ෂයට පත්ව තිබෙනවා.
තුවාල ලැබූ යතුරු පැදිකරු ඇල්පිටිය රෝහලට ඇතුළත් කළ බවයි පොලිසිය පැවසුවේ.
