බස්නාහිර පළාත් - දකුණ අපරාධ කොට්ඨාසය මඟින් රැඳවුම් නියෝග මත රඳවාගෙන සිටි සැකකරුවෙකුගෙන් සිදුකල ප්‍රශ්න කිරීම්වලදී අපරාධ රැසක් පිළිබඳ තොරතුරු අනාවරණ වී ඇති බව පොලිසිය පවසනවා.
හෙරොයින් මත්ද්‍රව්‍ය ග්‍රෑම් 10යි මිලි ග්‍රෑම් 420ක් සමඟ අදාළ සැකකරු අත්අඩංගුවට ගෙන ඇත්තේ හෝකන්දර ප්‍රදේශයේදීයි.
ඔහුගෙන් සිදුකල ප්‍රශ්න කිරීම්වලදී මුල්ලේරියාව, තලන්ගම සහ මාලබේ පොලිස් වසම් තුළ සිදුකරන ලද ගෙවල් බිදුම් 07ක්, යතුරු පැදි සොරකමක් සහ ත්‍රිරෝද රථ සොරකමක් පිළිබඳ තොරතුරු අනාවරණ වී තිබෙනවා.
සැකකරු විසින් සොරකම් කරන ලද යතුරු පැදියක්, ත්‍රිරෝද රථයක්, රන් භාණ්ඩ, මැණික් ගල් 17ක් ඇතුළු තවත් භාණ්ඩ රැසක් සොයාගෙන ඇති බවයි පොලිසිය වැඩිදුරටත් සඳහන් කළේ.
