තායිවානය ආක්‍රමණයක් වැලැක්වීම සඳහා චීනය සමඟ ගිවිසුමක් ඇති කර ගැනීමටත් ඉරානයට න්‍යෂ්ටික අවි සැපයීම නැවැත්වීමටත් ගිවිසුමකට එළඹීමට හැකි බව අමෙරිකානු ජනාධිපති ඩොනල්ඩ් ට්‍රම්ප් විශ්වාස කරයි.
78 හැවිරිදි ට්‍රම්ප්, චීනය “ඉතා අභිලාෂකාමී රටක්” ලෙසත්, කොමියුනිස්ට් ජාතියේ නායක ෂී ජින්පින් “ඉතා අභිලාෂකාමී මිනිසා” ලෙසත් විස්තර කළේ බ්‍රහස්පතින්දා විකාශය වූ ෆොක්ස් නිවුස් සත්කාරක ෂෝන් හැනිටි සමඟ සම්මුඛ සාකච්ඡාවක දෙවන කොටසේදීයි.
ඔවුන්ට අවශ්‍ය දෙයක් අප සතුව ඇති නිසා මට එය කළ හැකියි,” ජනාධිපතිවරයා පැවසීය. "අපි ළඟ රත්තරන් බඳුනක් තියෙනවා." යනුවෙන් ට්‍රම්ප් පවසා තිබේ.
ට්‍රම්ප් එහිදී පැවසුවේ චීනය සමඟ ගනුදෙනු කිරීමේ ක්‍රියාවලියට තීරුබදු ප්‍රධාන වනු ඇති බවයි.
“අපට චීනයට වඩා විශාල බලයක් ඇති අතර එය තීරුබදු වේ,” ට්‍රම්ප් තවදුරටත් පැවසීය. "ඔවුන්ට ඒවා අවශ්‍ය නැත, මට එය භාවිතා කිරීමට අවශ්‍ය නැත, නමුත් එය චීනය කෙරෙහි දැවැන්ත බලයකි."
“චීනයට විශාල මුදලක් එක්සත් ජනපදයෙන් ලැබෙනවා. ඔවුන් ඒ මුදල් යොදවන්නේ හමුදාවක් ගොඩනැගීමටයි,” ඔහු පැහැදිලි කළේය
