උතුරු මැද පළාත් ප‍්‍රධාන අමාත්‍ය පේෂල ජයරත්න මහතාට අයත් නිල නිවසේ ළිඳෙහි තිබී ටී 56 උණ්ඩ තොගයක් අද (16) සොයා ගැනුණා.
නෙත් නිවුස් වාර්තාකරු පැවසුවේ කම්කරුවන් පිරිසක් ළිඳ පිරිසිදු කරමින් සිටියදී මෙම උණ්ඩ තොගය සොයා ගැනුණු බවයි. ඒ අතර උණ්ඩ 200කට වැඩි ප‍්‍රමාණයක් තිබෙන බවයි පොලිසිය පවසන්නේ.
කෙසේ වෙතත් ඒවා භාවිතයට ගත නොහැකි පරිදි දිරා ගොස් තිබෙනවා. සිද්ධිය සම්බන්ධයෙන් අනුරාධපුර පොලිසිය වැඩිදුර විමර්ශන මෙහෙයවනවා.
